150703 Running man FANMEETING in Hong Gong，【RM六主持抵港喇！】智孝BB耷低頭 光洙狂揮手

韓國大熱綜藝節目《Running Man》(RM)首次以齊人姿態喺聽晚於亞博館舉行見面會，除咗HaHa外，六位主持宋智孝、李光洙、金鐘國、劉在錫、池錫辰同Gary今晚約11點11左右離開機場。由於今次喺《RM》首次齊人現身香港見面會，所以即時吸引唔少粉絲到場接機。

眾主持今次各自攜同身穿西裝嘅貼身保鑣到港，合共約有十個左右，其中兩個更是昂藏7呎。佢哋一出場，苦候多時、逾百fans即瘋狂，尖叫不絕。六人先在大堂集齊，然後一齊出來，由池錫辰打頭陣，佢哋個個都戴上口罩，未有特別停下同fans 互動，直接上車，但都有邊行邊揮手。

現場見到出名親民嘅光洙最活躍，動作多多，不停揮手。智孝BB就比較低調，幾乎大部份時間都係低頭行。之後眾人分別坐上三架黑色七人車離開。

RM眾主持之後齊齊去咗機場隔籬嘅機場富豪酒店，追星mui mui(妹妹)租咗三架車出發，仲有十幾個mui mui跟埋入酒店裡面，保安當然係拿拿聲跟埋入去啦，最後所有mui mui都被趕番晒出嚟！ 

新聞視頻：

【RM六主持抵港喇！】智孝BB耷低頭 光洙狂揮手